မြန်မာနှင့် ကမ္ဘာ အားကစားသတင်းများ ပြန်လည်မျှဝေခြင်း

Friday, September 30, 2016

အီဗရာဟီမိုဗစ်ခ်ျ၏ သွင်းဂိုးဖြင့် ယူကရိန်းကလပ်ကို မန်ယူ အနိုင်ရ (ရုပ်သံဟိုက်လိုက်)




ယူရိုပါလိဂ် အုပ်စုအေက မန်ချက်စတာ ယူနိုက်တက်နဲ့ ယူကရိန်း ကလပ် ဇော်ယာတို့ စက်တင်ဘာ ၂၉ ရက်ညက ယှဉ်ပြိုင်ရာ အီဗရာဟီ မိုဗစ်ခ်ျရဲ့ တလုံး တည်းသော သွင်းဂိုးနဲ့ မန်ယူက အနိုင်ရ သွားပါတယ်။

ပထမပွဲစဉ်မှာ ဖီယင်နုကို ရှုံးနိမ့်ခဲ့လို့ မန်ယူတို့ ဒီပွဲမှာ အားစိုက် ကစားခဲ့ပါတယ်။

ပထမပိုင်းမှာ ရပ်ရ်ှဖို့ဒ် အပြင်း ကန်သွင်းတဲ့ ဘောလုံး တိုင်ထိပြီး ထွက်ခဲ့တာ အပါအ၀င် အပိုင်အခွင့် အရေး တချို့ လွဲချော်ခဲ့တဲ့ အတွက် မန်ယူတို့ စောစော စီးစီး ဂိုးမရ ဖြစ်နေ ခဲ့တာပါ။

မန်ယူဟာ ဒီပွဲမှာ ဘောလုံး ပိုင်ဆိုင်မှု ၇၂ ရာခိုင်နှုန်း အထိ ရှိခဲ့သလို ဂိုးကန်သွင်း ခွင့်မှာလည်း အသာစီး ရခဲ့ပါတယ်။

မန်ယူအတွက် တလုံးတည်းသော အနိုင်ဂိုးကို ပွဲချိန် ၆၉ မိနစ်မှာ တိုက်စစ်မှူး အီဘရာဟီမိုဗစ်ခ်ျက အနီးကပ် ခေါင်းတိုက်ပြီး သွင်းယူပေးခဲ့ပါတယ်။

အုပ်စုအေ အခြားပွဲစဉ်မှာတော့ တူရကီကလပ် ဖီနာဘာချီက နယ်သာလန်ကလပ် ဖီယင်နုကို ၁ ဂိုး ဂိုးမရှိနဲ့ အနိုင်ရသွားပါတယ်။

အုပ်စုအေက နှစ်ပွဲစီ ကစားအပြီးမှာတော့ ဖီနာဘာချီက ရမှတ် ၄ မှတ်နဲ့ အမှတ်ပေးဇယားကို ဦးဆောင်နေပြီး ဖီယင်နုနဲ့ မန်ယူတို့ကတော့ ၃ မှတ်စီနဲ့ အဆင့် ၂ နဲ့ ၃ မှာ အသီးသီး ရပ်တည်နေပါတယ်။



From : ဒီဗွီဘီ

Originally published at - http://burmese.dvb.no/archives/170282

Read More »

Thursday, September 29, 2016

အက်သလက်တီကိုမက်ဒရစ် နာမည်ကြီး ဘိုင်ယန်မြူးနစ်ကို အနိုင်ယူ (ရုပ်သံဟိုက်လိုက်)




စက်တင်ဘာ ၂၈ ရက်ညက ယှဉ်ပြိုင်တဲ့ ချန်ပီယံလိဂ် အုပ်စု ဒီ ပွဲစဉ်မှာ အက်သလက် တီကို မက်ဒရစ်က နာမည်ကြီး ဘိုင်ယန် မြူးနစ်ကို ၁ ဂိုး ဂိုးမရှိနဲ့ အနိုင်ရ သွားပါတယ်။

တီကို အတွက် တလုံး တည်းသော အနိုင်ဂိုးကို ၃၅ မိနစ်မှာ ကာရက်ကိုက သွင်းယူ ပါတယ်။

ဘိုင်ယန်မြူးနစ်အတွက်တော့ ဒီရာသီမှာ ပထမဆုံး ရှုံးပွဲတွေ့သွားတာပါ။

၈၄ မိနစ်မှာ တီကိုတိုက်စစ်မှူး ဂရစ်ဇ်မန်း ပင်နယ်တီကန်သွင်းတာ မ၀င်လို့ တဂိုးတည်းနဲ့ အနိုင်ရတာ ဖြစ်ပါတယ်။

ဘိုင်ယန်က အဝေးကွင်းမှာ ဘောလုံးပိုင်ဆိုင်မှု အသာစီးယူနိုင်ပေမယ့် တိုက်စစ်မှူးတွေဖြစ်တဲ့ လီဝန်ဒေါ့စကီးနဲ့ ရီဘာရီတို့ အခွင့်အရေးတွေ အသုံးမချနိုင်လို့ ချေပဂိုးနဲ့ လွဲသွားတာပါ။

အုပ်စု ဒီ အခြားပွဲစဉ်မှာတော့ ရုရှားကလပ် အက်ဖ်စီရော့စ်တော့ဗ်နဲ့ နယ်သာလန်ကလပ် ပီအက်စ်ဗွီတို့ တဘက် ၂ ဂိုးစီ သရေကျသွားပါတယ်။

အုပ်စု ဒီက ၂ ပွဲစီ ကစားပြီးချိန်မှာ အက်သလက်တီကိုမက်ဒရစ်က ရမှတ် ၆ မှတ်နဲ့ အုပ်စု ပထမ၊ ဘိုင်ယန်မြူးနစ်က ရမှတ် ၃ မှတ်နဲ့ အုပ်စု ဒုတိယ၊ ပီအက်စ်ဗွီက အုပ်စု တတိယနဲ့ အက်ဖ်စီရော့စ်တော့ဗ်က အုပ်စု စတုတ္ထနေရာမှာ အသီးသီး ရပ်တည်နေပါတယ်။



From : ဒီဗွီဘီ

Originally published at - http://burmese.dvb.no/archives/170199

Read More »

ဆဲလ်တစ်နှင့် မန်စီးတီး ၃ ဂိုးစီ သရေကျ (ရုပ်သံဟိုက်လိုက်)




စက်တင်ဘာ ၂၈ ရက်ညက ယှဉ်ပြိုင်တဲ့ ချန်ပီယံလိဂ် အုပ်စု စီ ဒုတိယ ပွဲစဉ်မှာ စကော့တလန် ကလပ် ဆဲလ်တစ်နဲ့ ပရီးမီးယားလိဂ် ထိပ်သီး မန်စီးတီးတို့ ၃ ဂိုးစီ သရေကျ သွားပါတယ်။

ဆဲလ်တစ်ဟာ အိမ်ကွင်းမှာ မန်စီးတီးကို အကောင်းဆုံး တုံ့ပြန် ကစားပြီး ဦးဆောင်ဂိုး အကြိမ်ကြိမ် သွင်းယူ ခဲ့တာပါ။

ပွဲအစ ၃ မိနစ်မှာပဲ ဒမ်ဘီလီက ဆဲလ်တစ်အတွက် အဖွင့်ဂိုး သွင်းယူပေးခဲ့ပြီး ၁၁ မိနစ်မှာ ဖာနန်ဒင်ဟိုက မန်စီးတီးအတွက် ချေပဂိုး ပြန်သွင်းပေးခဲ့ပါတယ်။

မိနစ် ၂၀ မှာ မန်စီးတီး တိုက်စစ်မှူး စတာလင် ကိုယ့်ဂိုးကိုယ်သွင်းခဲ့လို့ ဆဲလ်တစ် ဒုတိယဦးဆောင်ဂိုး ရခဲ့ပေမယ့် ပွဲချိန် ၂၈ မိနစ်မှာ စတာလင်ကပဲ မန်စီးတီးအတွက် ချေပဂိုး ပြန်သွင်းပေးခဲ့လို့ ပထမပိုင်းအပြီးမှာ ၂ ဂိုးစီ သရေကျခဲ့ပါတယ်။

မန်စီးတီးဟာ ဒီပွဲစဉ် အဝေးကွင်းမှာ ယှဉ်ပြိုင်ရပေမယ့် ဘောလုံးပိုင်ဆိုင်မှုရော ဂိုးကန်သွင်းခွင့်တွေမှာပါ အပြတ်အသတ် အသာစီးရခဲ့ပါတယ်။

ဆဲလ်တစ်ကလည်း ရတဲ့အခွင့်အရေးကို အပိုင် အသုံးချနိုင်ခဲ့ပြီး အဖိုးတန် ၁ မှတ်ကို ရယူနိုင်ခဲ့တာပါ။

ဆဲလ်တစ်အတွက် တတိယဂိုးကို ၄၇ မိနစ်မှာ ဒမ်ဘီလီကပဲ သွင်းယူပေးခဲ့ပြီး ပွဲချိန် ၅၅ မိနစ်မှာ နိုလီတိုက မန်စီးတီးအတွက် ချေပဂိုး ပြန်သွင်းပေးခဲ့လို့ ပွဲအပြီးမှာ တဘက် ၃ ဂိုးစီနဲ့ သရေကျသွားခဲ့ပါတယ်။

အုပ်စုစီ တခြားပွဲစဉ်မှာတော့ ဂျာမန်ကလပ် မိုချန်ဂလာဘတ်ကို စပိန်လာလီဂါထိပ်သီး ဘာစီလိုနာက ၂ ဂိုး ၁ ဂိုးနဲ့ အနိုင်ရသွားပါတယ်။

ဒီအုပ်စုက ၂ ပွဲစီ ကစားပြီးချိန်မှာတော့ ဘာစီလိုနာက ရမှတ် ၆ မှတ်နဲ့ အုပ်စု ပထမ၊ မန်စီးတီးက ၄ မှတ်နဲ့ အုပ်စု ဒုတိယ၊ ဆဲလ်တစ်က ရမှတ် ၁ မှတ်နဲ့ အုပ်စု တတိယ၊ မိုချန်ဂလာဘတ်ကတော့ အမှတ်မရသေးဘဲ အုပ်စု အောက်ဆုံးမှာ ရပ်တည်နေပါတယ်။



From : ဒီဗွီဘီ

Originally published at - http://burmese.dvb.no/archives/170156

Read More »

ဝေါလ်ကော့၏ သွင်းဂိုး ၂ ဂိုးဖြင့် ဘေဆယ်ကို အာဆင်နယ် အနိုင်ယူ (ရုပ်သံဟိုက်လိုက်)




ချန်ပီယံလိဂ် အုပ်စု အေ ဒုတိယ ပွဲစဉ် အဖြစ် ပရီးမီးယားလိဂ် ကလပ် အာဆင်နယ်နဲ့ ဆွစ်ဇာလန် ကလပ် ဘေဆယ်တို့ စက်တင်ဘာ ၂၈ ရက်ညက ယှဉ်ပြိုင်ရာ အာဆင်နယ်က အိမ်ကွင်းမှာ သီယိုဝေါလ်ကော့ရဲ့ ပထမပိုင်း သွင်းဂိုး ၂ ဂိုးနဲ့ အနိုင်ရ သွားပါတယ်။

အာဆင်နယ် အတွက် အနိုင် ဂိုးတွေကို ပထမပိုင်း ၇ မိနစ်နဲ့ ၂၆ မိနစ်တို့မှာ ဝေါလ်ကော့က သွင်းယူပေး ခဲ့တာပါ။

အာဆင်နယ်ဟာ ဒီပွဲမှာ ဘောလုံးပိုင်ဆိုင်မှု ၆၅ ရာခိုင်နှုန်းအထိ ရှိခဲ့ပြီး ဂိုးကန်သွင်းခွင့်တွေမှာလည်း အပြတ်အသတ် အသာစီးရခဲ့ပါတယ်။

ဒီပွဲမှာ အာဆင်နယ်အတွက် ဂိုးမသွင်းနိုင်ခဲ့ပေမယ့် အသင်းကို အကောင်းဆုံး အထောက်အပံ့ပေးခဲ့တဲ့ ဆန်းချက်ဇ်က ဒီပွဲအတွက် အကောင်းဆုံး ကစားသမား အဖြစ် သတ်မှတ်ခံခဲ့ရပါတယ်။

အုပ်စု အေ အခြားပွဲစဉ်မှာတော့ ပြင်သစ်ထိပ်သီးကလပ် ပီအက်စ်ဂျီက ဘူလ်ဂေးရီးယားကလပ် လူဒိုဂိုရက်စ်ကို ၃ ဂိုး ၁ ဂိုးနဲ့ အနိုင်ရသွားပါတယ်။

ဒီအုပ်စုက ၂ ပွဲစီ ကစားပြီးချိန်မှာ ပီအက်စ်ဂျီနဲ့ အာဆင်နယ်တို့က ရမှတ် ၄ မှတ်စီ တူညီနေပေမယ့် သွင်းဂိုးသာတဲ့ ပီအက်စ်ဂျီက အုပ်စု ပထမ၊ အာဆင်နယ်က အုပ်စုဒုတိယ၊ လူဒိုဂိုရက်စ်က အုပ်စု တတိယနဲ့ ဘေဆယ်က အုပ်စုနောက်ဆုံးမှာ အသီးသီး ရပ်တည်နေပါတယ်။



From : ဒီဗွီဘီ

Originally published at - http://burmese.dvb.no/archives/170153

Read More »

Wednesday, September 28, 2016

စပါးတိုက်စစ်မှူး ကိန်း၏ ခြေကျင်းဝတ်ဒဏ်ရာ မျှော်လင့်သည်ထက် ပိုကောင်းမွန်




တိုက်စစ်မှူး ဟယ်ရီကိန်းရဲ့ ခြေကျင်းဝတ် ဒဏ်ရာဟာ မျှော်လင့် ထားတာထက် ပိုပြီး ကောင်းမွန် နေတယ်လို့ တော့တင်ဟမ် ဟော့စပါး နည်းပြ ပိုချက်တီနိုက ပြောပါတယ်။

အသက် ၂၃ နှစ် အရွယ် ကိန်းဟာ ပြီးခဲ့တဲ့ တပတ်က ဆန်းဒါးလန်းကို ၁ ဂိုး ဂိုးမရှိနဲ့ အနိုင်ရတဲ့ ပွဲမှာ ခြေကျင်းဝတ် ဒဏ်ရာ ရခဲ့တာပါ။

ဒါပေမယ့် အင်္ဂလန်တိုက်စစ်မှူး ကိန်း အနေနဲ့ ဘယ်အချိန်မှာ ပြန်ကစားနိုင်မလဲ ဆိုတာကိုတော့ နည်းပြက အတည်ပြုချက် ပေးမထားပါဘူး။

စပါးအသင်းဟာ လောလောဆယ် ပရီးမီးယားလိဂ် အမှတ်ပေးဇယားမှာ ၁၄ မှတ်နဲ့ ဒုတိယနေရာမှာ ရပ်တည်နေပါတယ်။

ဓာတ်ပုံ - ရိုက်တာ

From : ဒီဗွီဘီ

Originally published at - http://burmese.dvb.no/archives/170084

Read More »

ပေါ်တိုကို အနိုင်ယူပြီး ချန်ပီယံလိဂ် နိုင်ပွဲဆက်သည့် လက်စတာ (ရုပ်သံဟိုက်လိုက်)




စက်တင်ဘာ ၂၇ ရက်ညက ချန်ပီယံလိဂ် အုပ်စု ဒုတိယ ပွဲစဉ်မှာ လက်စတာက ပေါ်တိုကို ၁ ဂိုး ဂိုးမရှိနဲ့ အနိုင်ရ သွားပါတယ်။

လက်စတာ အတွက်တော့ ချန်ပီယံလိဂ် ပြိုင်ပွဲ အိမ်ကွင်းမှာ ပထမဆုံး အကြိမ် အနိုင်ရတာ ဖြစ်ပါတယ်။

အနိုင်ဂိုးကို စလီမာနီက ၂၅ မိနစ်မှာ သွင်းယူပါတယ်။ စလီမာနီဟာ ပေါ်တူဂီကလပ် စပို့တင်းလစ္စဘွန်းကနေ ဒီနှစ်ရာသီမှာ ပြောင်းရွေ့လာတာပါ။

ချန်ပီယံလိဂ်မှာ ၂ ကြိမ် ချန်ပီယံဖြစ်ဖူးတဲ့ ပေါ်တိုအသင်းဟာ ဒုတိယပိုင်းမှာ ဖိအားပေး ကစားနိုင်သလို ထိုးဖောက်ကန်သွင်းခွင့်တွေလည်း ပိုရခဲ့တာပါ။

ဒီပွဲနိုင်လို့ လက်စတာက အုပ်စု ဂျီ မှာ ၂ ပွဲကစား၊ ၂ ပွဲနိုင်၊ ၆ မှတ်နဲ့ ဦးဆောင်နေပါတယ်။

ပေါ်တိုကတော့ ၁ မှတ်နဲ့ အဆင့် ၃ နေရာမှာ ရပ်တည်နေပါတယ်။



From : ဒီဗွီဘီ

Originally published at - http://burmese.dvb.no/archives/170035

Read More »

ဘေဆယ်နှင့်ကစားမည့် ချန်ပီယံလိဂ်ပွဲစဉ်တွင် အာဆင်နယ်ကွင်းလယ်လူ ကိုကွီလင် မပါဝင်




ဆွစ်ဇာလန် ကလပ် ဘေဆယ်နဲ့ ကစားမယ့် ချန်ပီယံလိဂ် ဒုတိယ ပွဲစဉ်မှာ အာဆင်နယ် အသင်းက ကွင်းလယ်မှာ အားထား ရတဲ့ ဖရန်စစ် ကိုကွီလင် မပါဘဲနဲ့ ယှဉ်ပြိုင် ရမှာ ဖြစ်ပါတယ်။

အသက် ၂၅ နှစ် အရွယ် ကွင်းလယ် ကစားသမား ကိုကွီလင်ဟာ ချဲလ်ဆီးကို ၃ ဂိုးပြတ်နဲ့ အနိုင်ရတဲ့ ပွဲမှာ ဒဏ်ရာရ ခဲ့တာပါ။

သူ့ရဲ့ဒဏ်ရာအခြေအနေ မဆိုးတဲ့အတွက် သိပ်မကြာခင်မှာ ပြန်ကစားနိုင်မှာပါလို့ အာဆင်နယ်နည်းပြ အာစင်ဝင်းဂါးက ပြောပါတယ်။

ဘေဆယ်နဲ့ပွဲစဉ်မှာ တိုက်စစ်မှူး ဂျီရူးလည်း ပွဲပယ်ပြစ်ဒဏ်ကြောင့် ပါဝင်နိုင်မှာ မဟုတ်ပါဘူး။

အာဆင်နယ်ဟာ ချန်ပီယံလိဂ် အဖွင့်ပွဲမှာ ပီအက်စ်ဂျီနဲ့ သရေကျထားလို့ ၁ မှတ် ရထားပါတယ်။

ပရီးမီးယားလိဂ်မှာတော့ အာဆင်နယ်ဟာ ၁၃ မှတ်နဲ့ အဆင့် ၃ မှာ ရပ်တည်နေပါတယ်။

ဓာတ်ပုံ - ရိုက်တာ

From : ဒီဗွီဘီ

Originally published at - http://burmese.dvb.no/archives/170027

Read More »

ချန်ပီယံလိဂ်ပွဲစဉ် ဒေါ့မွန်နှင့် ရီးရဲလ် ၂ ဂိုးစီ သရေကျ (ရုပ်သံဟိုက်လိုက်)




ချန်ပီယံလိဂ် အုပ်စု အက်ဖ် ဒုတိယ ပွဲစဉ် အဖြစ် ဂျာမန် ကလပ် ဒေါ့မွန်နဲ့ စပိန် ထိပ်သီး ရီးရဲလ် မက်ဒရစ်တို့ စက်တင်ဘာ ၂၇ ရက်ညက ယှဉ်ပြိုင်ရာ တဘက် ၂ ဂိုးစီ သရေကျ သွားပါတယ်။

ပွဲချိန် ၁၇ မိနစ်မှာ ရီးရဲလ် တိုက်စစ်မှူး ရော်နယ်ဒိုက အဖွင့်ဂိုး သွင်းယူပေး ခဲ့ပေမယ့် ၄၃ မိနစ်မှာ ဒေါ့မွန် အတွက် အော်ဘာ မီယန်းက ချေပဂိုး ပြန်သွင်းပေး ခဲ့လို့ ပထမပိုင်း အပြီးမှာ တဂိုးစီ သရေကျ ခဲ့တာပါ။

ဒေါ့မွန်ဟာ အိမ်ကွင်းမှာ ကစားရတဲ့ ဒီပွဲမှာ စပိန် ထိပ်သီး အသင်း ရီးရဲလ်ကို အကောင်းဆုံး တုံ့ပြန် ကစားနိုင်ပြီး ဘောလုံး ပိုင်ဆိုင် ခွင့်ရော ဂိုးကန်သွင်းခွင့်တွေ မှာပါ အသာစီး ရခဲ့ပေမယ့် ဦးဆောင် ဂိုးတွေကိုတော့ ရီးရဲလ် အသင်းကပဲ သွင်းယူနိုင် ခဲ့ပါတယ်။

ပွဲချိန် ၆၈ မိနစ်မှာ ဗာရန်းက ရီးရဲလ်အတွက် ဦးဆောင်ဂိုး သွင်းယူပေးခဲ့ပေမယ့် ၈၇ မိနစ်မှာ ဒေါ့မွန် ကွင်းလယ်တိုက်စစ်ကစားသမား ရှာရယ်လ်က ချေပဂိုး ပြန်သွင်းခဲ့လို့ ပွဲအပြီးမှာ တဘက် ၂ ဂိုးစီနဲ့ သရေကျသွားခဲ့ပါတယ်။

အုပ်စု အက်ဖ် အခြားပွဲစဉ်မှာတော့ ပေါ်တူဂီကလပ် စပို့တင်းစီပီက ပိုလန်ကလပ် လီဂီယာဝါဆောကို ၂ ဂိုး ဂိုးမရှိနဲ့ အနိုင်ရသွားပါတယ်။

အုပ်စု အက်ဖ်က ၂ ပွဲစီ ကစားပြီးချိန်မှာတော့ ဒေါ့မွန်နဲ့ ရီးရဲလ်က ရမှတ် ၄ မှတ်စီတူပေမယ့် ဒေါ့မွန်က ဂိုးကွာခြားချက်အသာနဲ့ အုပ်စု ပထမနေရာက ဦးဆောင်နေပြီး ရီးရဲလ်က ဒုတိယနေရာမှာ ရပ်တည်နေပါတယ်။

စပို့တင်းစီပီက ရမှတ် ၃ မှတ်နဲ့ အုပ်စုတတိယ၊ လီဂီယာဝါဆောကတော့ အမှတ်မရသေးဘဲ အုပ်စုနောက်ဆုံးမှာ အသီးသီး ရပ်တည်နေပါတယ်။



From : ဒီဗွီဘီ

Originally published at - http://burmese.dvb.no/archives/170012

Read More »

Tuesday, September 27, 2016

ထောင့်ကန်ဘောကနေ တိုက်ရိုက် ကန်သွင်းခဲ့တဲ့ အလှဆုံး (၁၀) ဂိုး




ထောင့်ကန်ဘော ကနေ တိုက်ရိုက် ကန်သွင်းဖို့ ဆိုတာ တကယ်တော့ မလွယ်ပါဘူး။

ဖရီးကစ်ထက်တောင် ပိုခက်ပါအုံးမယ်။

တော်တော်ကြီိးကို တိကျအောင် ဝိုက်ကန်နုိုင်မှာ ဂိုးထဲ ဝင်နုိုင်မှာ ဖြစ်ပါတယ်။ အောက်မှာတော့ အလန်ဆုံး ထောင့် ကန်ဘော ကနေ သွင်းခဲ့တဲ့ ဂိုး ၁၀ ဂိုးကို ဖော်ပြပေး လိုက်ပါတယ်။



Source: youtube

From : ထူးထူး (Shwemom)

Originally published at - https://youtu.be/1B_7JxGsK7Y

Read More »