မြန်မာနှင့် ကမ္ဘာ အားကစားသတင်းများ ပြန်လည်မျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Monday, May 16, 2016

လက်စတာ အသင်းထက် ပရီးမီးယားလိဂ် ဆုကြေး အာဆင်နယ် ပိုရ




မေ ၁၆၊ လန်ဒန်

လက်စတာ အသင်း ပရီးမီးယားလိဂ် ချန်ပီယံ ဖြစ်သွား သော်လည်း အာဆင်နယ် အသင်းက ပရီးမီးယားလိဂ် ဆုကြေး ပိုမို ရရှိမည် ဖြစ်သည်။

ယခုနှစ် ရာသီ အတွက် ရုပ်သံနှင့် စီးပွားရေး ဝင်ငွေများမှ ပေါင် ၁၀၁ သန်းရမည့် အာဆင်နယ် အသင်းသည် ချန်ပီယံ လက်စတာအသင်း ရမည့် ပေါင် ၉၃ ဒသမ ၃ သန်းထက် ပိုများနေခြင်း ဖြစ်သည်။

စပါး၊ မန်စီးတီးနှင့် မန်ချက်စတာယူနိုက်တက်အသင်းတို့သည်လည်း လက်စတာအသင်းထက်ပိုမိုရရှိမည်ဟု ဒေလီးမေးလ်သတင်းစာက တွက်ချက်ဖော်ပြထားသည်။

လက်စတာအသင်းသည် အဆင့် ၁ ရခဲ့၍ ဆုကြေးပေါင် ၂၅ သန်းရမည်ဖြစ်ပြီး ဒုတိယ အာဆင်နယ်က ပေါင် ၂၃ ဒသမ ၇ သန်း၊ တတိယ စပါးက ပေါင် ၂၂ ဒသမ ၅ သန်းရမည်ဖြစ်သည်။

သို့သော် ရုပ်သံမှတိုက်ရိုက်ထုတ်လွှင့်ခံရသည့်ပွဲအရေအတွက် ၂၇ ပွဲရှိခဲ့သည့် အာဆင်နယ်အသင်းသည် ၁၅ ပွဲသာထုတ်လွှင့်ခံရသည့် လက်စတာအသင်းထက် ဝင်ငွေပိုများနေခြင်းဖြစ်သည်။

အာဆင်နယ်အသင်းက ပရီးမီးယားလိဂ်ရုပ်သံလွှင့်ခအမြင့်ဆုံးအဖြစ် ပေါင် ၂၁ ဒသမ ၈ သန်းရရှိပြီး လက်စတာက ၁၂ ဒသမ ၈ သန်းသာ ရရှိသည်။

အသင်းတစ်သင်းလျှင် ရုပ်သံတစ်ပွဲထုတ်လွှင့်ခအတွက် ပေါင် ၇၅၀, ၀၀၀ ရရှိသည့်အပေါ်အခြေခံကာ တွက်ချက်ထားခြင်းဖြစ်သည်။ ရုပ်သံ မှတိုက်ရိုက်လွှင့်သည့်ပွဲအရေအတွက်နည်းလျှင်လည်း အသင်းတိုင်း နှစ်တိုင်းအနည်းဆုံး ၁၀ ပွဲစာမှစတင်ရရှိမည်ဖြစ်သည်။

ပရီးမီးယားလိဂ်အသင်းအားလုံးမှာ ဆုကြေးငွေ ပေါင် ၅၅ ဒသမ ၅ သန်းစီကိုလည်း ညီတူညီမျှအလိုအလျောက်ရရှိကြဦးမည် ဖြစ်သည်။

သို့သော် လာမည့်နှစ်တွင်တိုးပွားလာမည့် ရုပ်သံဝင်ငွေစာချုပ်အရ အာဆင်နယ်အသင်းမှာ ယခုနှစ်နှင့်အခြေအနေအတိုင်းတူညီနေဦးမည်ဆို ပါက ပေါင် ၁၅၂ ဒသမ ၂ ထိရရှိမည်ဖြစ်သည်။

ယခုနှစ်တွင်တန်းဆင်းသွားခဲ့ရပြီး ဆုကြေးအနည်းဆုံးရရှိသည့် နောရစ်ခ်ျနှင့် အက်စတွန်ဗီလာပင်လျှင် ပေါင် ၆၆ သန်းကျော်စီရရှိခဲ့ကြသည်။

Ref; Mirror

မဇ္ဈိမသတင်း by - ဝေဘုန်းလူ

Originally published at - http://mizzimaburmese.com/article/14246

No comments:

Post a Comment